རྫ་སྟོད་རྫོང་མི་རིགས་སློབ་འབྲིང་དང་པོ།

༄༅།། རྫ་སྟོད་རྫོང་མི་རིགས་སློབ་འབྲིང་དང་པོའི་མཚམས་སྦྱོར་མདོར་བསྡུས།

       རྫ་སྟོད་རྫོང་མི་རིགས་སློབ་འབྲིང་དང་པོ་ནི་སྤྱི་ལོ1976ལོར་རྫ་ཆུའི་ལྷོ་རྒྱུད་དུ་བཙུགས་ཤིང་། རྫོང་མི་དམངས་སྲིད་གཞུང་དང་

ཕལ་ཆེར་སྤྱི་ལེ་གསུམ་གྱི་མཚམས་སུ་ཆགས་ཡོད། 2013ལོའི་ཟླ་4བ་ནས་བཟུང་། སློབ་མའི་མི་གྲངས་དང་སློབ་རའི་གཞི་ཁྱོན་རྒྱ་བསྐྱེད་

པ་བརྒྱུད་ནས།སྲིད་གཞུང་གི་འབྲེལ་ཡོད་མགོ་ཁྲིད་ཀྱི་ཆོག་མཆན་བཀོད་པ་ལས།རྫ་སྟོད་རྫོང་མི་རིགས་སློབ་འབྲིང་གཉིས་པ་བཙུགས་པ་

དང་།སྔར་ཡོད་ཀྱི་སློབ་འབྲིང་གི་སྒོ་བྱང་ནི་“རྫ་སྟོད་རྫོང་མི་རིགས་སློབ་འབྲིང་དང་པོ”ཞེས་བསྒྱུར་བ་དང་ཆབས་ཅིགསློབ་གྲྭ་གཉིས་ཀའི་དགེ་

རྒན་གྱི་དཔུང་སྡེ་དང་སློབ་གསོའི་སྒྲིག་གཞི་སོགས་སོ་སོར་དགར་བ་ཡིན།

           མིག་སྔར།    རྫ་སྟོད་རྫོང་མི་རིགས་སློབ་འབྲིང་དང་པོར་འཛིན་གྲྭ་31དང་སློབ་མ་1580ཡོད།      དེའི་ཁྲོད་དམའ་རིམ་

དང་པོར་སློབ་མ་380དང་དམའ་རིམ་གཉིས་པར་སློབ་མ་690། དམའ་རིམ་གསུམ་པར་སློབ་མ510བཅས་ཡོད་པ་ལས།  མང་ཤོས་

ནི་རང་ས་གནས་ཀྱི་བོད་རིགས་ཀྱི་སློབ་མ་རྐྱང་རྐྱང་ཡིན།  སློབ་གྲྭ་ཡོངས་སུ་དགེ་བཟོ་བ106ཡོད་པ་ལས།    མཁོ་སྒྲུབ་ལས་བཟོ་མི

སྣ་24དང་།  རང་ཆེད་ལས་དང་མཐུན་པའི་དགེ་རྒན་82ཡོད།（དམིགས་བསལ་ལས་གནས་ཐོབ་པའི་རྒན2ནི་དེའི་ནང་དུ་འདུ། ）

ངེད་སློབ་གྲྭའི་དགེ་རྒན་རྣམས་ནི་ལས་གནས་ལ་དགའ་ཞིང་བརྩི་མཐོང་ཆེ་བའི་ཁར།སློབ་མ་རྣམས་ནི་རང་གི་བུ་ལྟར་དུ་བརྩེ་བ། འབད་བརྩོན་

ལྷུར་ལེན་དང་བརྩེ་བ་ཕངས་མེད་དུ་སྦྱིན་པས།    ཉེ་བའི་ལོ་འགར་རྒྱུགས་འབྲས་གཡུར་དུ་ཟ་བའི་གྲུབ་འབྲས་བླངས་མཐར།  ལོ་དུ་མའི་

རིང་རྫ་སྟོད་རྫོང་མི་རིགས་སློབ་འབྲིང་ལ་ “སྔོན་ཐོན་དཔུང་སྡེ”ཞེས་པའི་མཚན་སྙན་ཐོབ་མྱོང་།

           རིམ་པ་འདྲ་མིན་གྱི་ཏང་ཨུ་སྲིད་གཞུང་དང་སྤྱི་ཚོགས་སྟེང་གི་འབྲེལ་ཡོད་མི་སྣའི་མཛའ་བརྩེའི་ཐུགས་འཁུར་འོག་ཏུ།  སློབ་གྲྭའི་རྩ་

བའི་སྒྲིག་འགོད་མཚམས་མ་ཆད་པར་ལེགས་བཅོས་བྱས་ཏེ།སྣ་འཛོམས་ཐོག་ཁང་དང་སློབ་མའི་གསོལ་ཁང་། དགེ་རྒན་གྱི་གཟིམ་ཁང་།  དྲ་

འཕེན་སྤོ་ལོའི་རྩེད་ར་སོགས་གསར་དུ་འཛུགས་སྐྲུན་རྒྱ་སྐྱེད་མཛད་ཡོད་ལ།སྐྱེ་དངོས་དང་རྫས་འགྱུར།དངོས་ལུགས་བཅས་ཀྱི་ཚོད་ལྟ་ཁང་དང་། 

སྐས་ལྡན་སློབ་ཁང་།རྩིས་འཁོར་སློབ་ཁང་།དཔེ་མཛོད་ཁང་།  སྒྲ་སྦྱོར་སློབ་ཁང་། གཞན་ད་དུང་གླུ་དབྱངས་དང་རྩལ་སྦྱོང་། རི་མོ་སོགས་ཀྱི་

ཆེད་བཀོལ་སློབ་ཁང་གི་མ་ལག་ཡོངས་སུ་ཆ་ཚང་བ་ཡིན།  སློབ་གྲྭའི་ད་ལྟའི་སྤྱིའི་ས་རྒྱ་ནི་སྨི་གྲུ་བཞི་མ་53280ཟིན་ཡོད་ལ།  དེའི་ནང་

ལྗང་འགྱུར་ས་ཁུལ་གྱིས་སྨི་གྲུ་བཞི་མ7750ཟིན་ཡོད་པ་དང་། སློབ་གྲྭའི་སྒྲིག་གཞི་འོས་ཤིང་འཚམ་ལ་ཁོར་ཡུག་མཛེས་ཤིང་གྲལ་དག་པས།སློབ་གྲྭས་

དུས་དང་རྣམ་པ་ཀུན་ཏུ་འཇོན་ཐང་མི་སྣ་གསོ་སྐྱོང་བྱེད་པ་རྩ་བར་བཟུང་ཞིང་། སྤྱོད་ལམ་སློབ་གསོ་སྤེལ་བ་གཙོར་བཟུང་སྟེ། དོན་དངོས་ཀྱི་ནུས་པ་ཐོན་

པར་མཐོང་ཆེན་བྱེད་པ་བཅས་ཀྱི་སྒོ་ནས་སློབ་གསོའི་བྱ་བ་སྤེལ་བའི་སློབ་སྒྲུབ་བསམ་བློ་ཆགས་ཡོད་ལ།དངོས་ཐོག་བདེན་འཚོལ་གྱི་སྙིང་སྟོབས་དང་ཚན་

རིག་དང་མཐུན་པའི་སྒོ་ནས། ན་ཚོད་མ་ཟིན་པའི་བྱིས་པའི་བསམ་བློའི་ཀུན་སྤྱོད་འཛུགས་སྐྲུན་གྱི་བྱ་བའི་ལུགས་ལྡན་རང་བཞིན་དང་།དེང་སྐབས་ན་ཚོད་མ་ཟིན་པའི་

བྱིས་པའི་ལུས་སེམས་འཚར་ལོངས་ཀྱི་ཁྱད་ཆོས་ལ་རྒྱུས་ལོན་ནམ་ཚོད་འཛིན་བྱས་ཡོད། མི་གཞི་རིང་ལུགས་ཀྱི་སྤྱོད་ལམ་སློབ་གསོའི་ཁ་ཕྱོགས་

རྒྱུན་འཁྱོངས་བྱས་ཏེ། སྤྱོད་ལམ་སློབ་གསོའི་ནང་དོན་དང་ཐབས་ལམ་རྣམ་པ་གསར་རྐྱང་དུ་འགྱུར་བར་འབད་བརྩོན་བྱེད་བཞིན་ཡོད། སྤྱོད་

ལམ་སློབ་གསོའི་བྱ་བར་སྒྲུབ་དགོས་པ་ནི་བསམ་བློའི་ཀུན་སྤྱོད་ཀྱི་སློབ་གསོ་ལ་གཏན་ཚུགས་ཡོད་དགོས་པ་དང་། སྤྱོད་ལམ་སློབ་གསོའི་བསམ་

བློའི་ལམ་ཕྱོགས་གསར་གཏོད་རང་བཞིན་ཡོད་དགོས་། སྤྱོད་ལམ་སློབ་གསོའི་བྱ་བའི་བྱེད་ཕྱོགས་དམངས་གཙོ་ཡིན་དགོས་པ་དང་། སྤྱོད་ལམ་

སློབ་གསོའི་བྱ་བར་འགན་གཅིག་ལྕོགས་སུ་རྫོགས་ཐུབ་པ་བཅས་བྱེད་དགོས།འཛིན་བདག་དང་མཛད་ཁྲིད་དགེ་རྒན། སློབ་མ་བཅས་ཀྱིས་

སློབ་གྲོགས་རེ་རེའི་སྤྱོད་ལམ་སློབ་གསོ་ལ་ཚད་འགྱུར་དཔྱད་བསྡུར་སྤེལ་བ་བརྒྱུད་ནས། སློབ་མས་རང་ལ་སློབ་གསོ་གཏོང་བ་དང་བདག་གཉེར་

བྱེད་པའི་ནུས་པ་ལ་མཐོར་འདེགས་བྱུང་བ་རེད། འཛིན་གྲྭའི་བདག་གཉེར་དོ་དམ་ལ་ཁ་ཕྱོགས་ཏེ། 《འཛིན་གྲྭའི་ཉིན་རྒྱུན་གྱི་བདག་གཉེར་

བྱ་བའི་ཚད་འགྱུར་དཔྱད་བསྡུར་ལམ་ལུགས།》 སྒྲིག་བཟོ་བྱས་ཡོད་པ་ཡིན།ལམ་ལུགས་འདི་ལག་བསྟར་བྱས་པའི་རྗེས་སུ། བདག་གི་ལས་

གནས་འདུ་ཤེས་ཇེ་དྲགས་སུ་སོང་ཡོད་པར་མ་ཟད། ད་དུང་མཛད་ཁྲིད་དགེ་རྒན་གཞན་རྣམས་ཀྱི་འཛིན་གྲྭའི་ཉིན་རྒྱུན་གྱི་བདག་གཉེར་དོ་

དམ་ལ་ཐུགས་འཁུར་གནང་བའི་བྱ་བའི་སྤྲོ་སྣང་ལྡན་པའི་འཛིན་བདག་ཞིག་བྱེད་པར་སྐུལ་འདེད་བཏང་སྟེ། དེའི་སྐོར་གྱི་བྱ་འགུལ་

མང་པོ་སྤེལ་བ་དང་མངོན་གསལ་གྱི་གྲུབ་འབྲས་བླངས་པ་རེད། ལོ་འགའི་རིང་ལ་རྫོང་སྲིད་གཞུང་དང་རྫོང་སློབ་གསོ་ཅུའུ་ཡིས་

རང་སློབ་གྲྭ་འདི་ཉིད་དམིགས་ཚད་དོ་དམ་བདག་གཉེར་དཔྱད་བསྡུར་ཁྲོད་ཚད་ལྡན་སློབ་གྲྭ་དང་། སྤྱོད་ལམ་སློབ་གསོ་སྔོན་ཐོན་གྱི་སློབ་གྲྭར་

དཔྱད་འཇོག་གནང་བ་རེད།

            རང་སློབ་གྲྭ་ནི་རྫ་སྟོད་རྫོང་དུ་མི་རིགས་སློབ་འབྲིང་གཉིས་མ་གཏོགས་མེད་པའི་ཡ་གྱལ་ཞིག་ཡིན་ལ། འདས་སོང་གི་ལོ་ཟླའི་ཁྲོད་ཀྱི་

རྫ་སྟོད་རྫོང་མི་རིགས་སློབ་འབྲིང་གི་ཤུལ་བཞག་ཀྱང་ཡིན་པས། བོད་རིགས་སློབ་མའི་བསྡུར་ཚད་ཀྱིས་99.85％ཟིན་ཡོད་ལ། བོད་མི་རིགས་

ཀྱི་རིག་གནས་ཤན་ཤུགས་ཆེ་ཞིང་གཏིང་ཟབ་པ་ཞིག་རེད། སློབ་གྲྭས་གོང་རིམ་འབྲེལ་ཡོད་ལས་ཁུངས་ཀྱིས་བཏོན་པའི་ཁྱད་

ལྡན་སློབ་སྒྲུབ་ཀྱི་སློབ་གསོའི་ལམ་ཕྱོགས་དུས་ལྟར་དང་བྱས་ཏེ། མི་རིགས་རིག་གནས་ཀྱི་ཁྱད་ཆོས་ལྡན་པའི་སློབ་གསོའི་བྱ་འགུལ་སྤེལ་

བ་ཡིན། ལོ་དུ་མའི་རིང་གི་ནང་ཁུལ་བདག་གཉེར་དོ་དམ་གཙིགས་འཛིན་བྱས་པ་བརྒྱུད་ནས། ཕྱི་ཕྱོགས་ལ་གཟི་བརྗིད་ཀྱི་སྣང་བརྙན་

ཡག་པོ་བསྐྲུན་ཏེ།མི་རིགས་སློབ་འབྲིང་དང་པོའི་སློབ་སྒྲུབ་ཆུ་ཚད་དང་སྤྱི་ཚོགས་ཁྲོད་ཀྱི་སྙན་གྲགས་ལ་ཕྱོགས་ཡོངས་ནས་མཐོར་འདེགས་

བྱུང་ཡོད་པ་དང་།རང་སློབ་གྲྭ་ཡང་བསྟུད་མར་རྫ་སྟོད་རྫོང་གི་དཔལ་ཡོན་ལྡན་པའི་ལས་ཁུངས་དང་དཔལ་ཡོན་ལྡན་པའི་སློབ་གྲྭ་རུ་གྱུར་

བ་རེད།སློབ་སྒྲུབ་ཀྱི་བྱ་བར་རྫོགས་མཐའ་མེད་ལ། ང་ཚོས་སྔར་བཞིན་རང་སློབ་གྲྭའི་སློབ་གསོའི་བཅོས་བསྒྱུར་དང་འཕེལ་རྒྱས་ལ་ཤུགས་སྣོན་བརྒྱབ་སྟེ། 

སློབ་སྒྲུབ་བསམ་བློ་དང་དགེ་རྒན་གྱི་དཔུང་སྡེ་འཛུགས་སྐྲུན། སློབ་གསོའི་བདག་གཉེར་དོ་དམ། སློབ་གསོའི་སྤུས་ཚད་སོགས་ཀྱི་ཁྱབ་

ཁོངས་ལ་ནན་ནན་ཏིག་ཏིག་གིས་ཞིབ་འཇུག་བྱས་ནས། སློབ་མ་ལ་སྔར་ལས་སྤུས་ཚད་བཟང་བའི་སློབ་གསོ་འདོན་སྤྲོད་བྱེད་སྟངས་དང་། སྤྱི་

ཚོགས་ལ་སྔར་ལས་ཕུལ་དུ་བྱུང་བའི་འཇོན་ཐང་ལྡན་པའི་མི་སྣ་གསོ་སྐྱོང་བྱེད་རྒྱུ་ཡིན་ནོ།།